1996年6月，萬眾其代既BANDAI合金魂系列第３彈，超力電磁俠Combattler
V（當年係１年１彈）!!在公報超力會出合金魂版後，世界名地合金迷都有個問題，究竟合金魂超力會唔會動搖非常貴既舊超力合金們既地位呢？經過１０年歲月，玩具迷一致話你知”無”。舊版合金點解咁有魔力？點解有新版舊版（由其係超貴既DX版）都無跌價？等日報話你知。
超力電磁俠機械人卡通，由東映製作於１９７６年（昭和５１年）４月１７日至７７年５月２８日期間，逄周六１８時至１８時半放映，共５４集。講述地球科學家南原博士發現了外星人的遺跡，並得知他們侵略地球既計劃，於是製造了超力電磁俠和找來了葵豹馬、浪花十三、西川大作、北小介及孫女兒南原千鶴來保衛地球和外星人戰鬥。由於故事完整加上打鬥精彩和美型角度配合下，在日本大收旺場連玩具都非常好賣。
超力電磁俠合金於７６推出市面，分成散裝和boxset兩款分售，是第１款可以完全合體，分體成形的超級機械人玩具，加上合金成份超高，正是如此，肯定了其在合金玩具界的地位。日版超力電磁俠boxset大致可分兩期。主要在於boxset所附送的宣傳品大圖鑑（第１期）或怪獸手帳（第２期）。不過根據一位儲了多年合金的前輩所說，超力頭部收的面具，飛拳的荀位，貼紙都有不同期數之分再加上美版又有唔同！！！現有的資料太少已經好難完全解構超力大致上有幾多期版出過。
超力的合體方法是順序由１號機直落連結到５號機，分別係１號機頭位，２號機雙手連同胸內部，３號機主體，４號樣兩腿，５號機腳板。由於當年技術關係，合體後極易整花，所以現今留下來的新的靚的超力電磁俠合金非常少。超力的合體部份不是由內部機關鞏固（相易的V型就係內部機關連結），而是由玩具內的磁石相連結合和卡通的設定一樣。由於技術問題結合後的比例唔太好而且安定性不足（磁石合體唔穩要用膠帶固定。腳部負擔過重，企唔穩）。配件方面非常充實，大量子陣，武器，以當時的玩具來看非常好玩。由於Boxset銷售情況理想加上是當年小朋友玩具，加上消耗非常之大，故大boxset保留下來的數量更少。價錢方面全新靚仔的大boxset叫價長期超過３萬，靚既散裝都上７－８千港幣（lee個盒真貴）。
講重量佢既合金度非常之高，重手到不得了，比超合膠版有手感好多，相反做型就非常薯仔，頭大腳細成隻Q版咁，講好玩不過係一碌木咁企響度，係多飛彈射咁解．．．不過以當年的技術黎講，相當可以接受了。其實筆者已經買左超力boxset幾年（唔係全新但好貴的說），都無咩點玩過，因為會要玩玩左合金魂，但經曲始終係經典，超力大boxset在所有合金迷眼中都係咁值得收藏，由其係佢係第１隻完全變形合體大合金，第１個大boxset，而且仲係極大盒，在合金玩具的壓倒性存在感令佢受特別多的合金收藏家愛好。就好似鎮山之寶一定有，就算未有都全力追尋。地位完全超然!!
|
