Toysdaily 玩具日報

 找回密碼
 註冊
查看: 12500|回復: 24

[分享討論] 一次過唔見晒D單真係會令人崩潰

[複製鏈接] |關注本帖
發表於 22-7-2014 00:19:53 | 顯示全部樓層 |閱讀模式
一直以黎我都有個袋仔袋住所有HT單,而個袋仔係會跟身,為左方便隨時去攞貨
有一日,當我如常咁執背囊果陣,發現唔見左個袋仔,咁我以為漏左響公司啦,都不以為然.如常施施然咁返工

當返到公司第一件事就係搵下見唔見個袋仔,點知搵左好耐都唔見...即時面色一沉...不過都仲未絕望住,屋企冇,公司冇,可能放左響個倉度呢~於是當日就帶住忐忑既心情等放工.

放工之後,連放工必去既信和都SKIP左,直接飛返倉.反轉晒成個倉,打開晒所有盒,終於...

都係搵唔到.........

果下個心一野跌左落谷底...不禁倒抽一口頹氣,雖然個袋仔係之前雜誌送既自護袋,係買唔返好貴重,但係點都唔夠袋入面十幾張單貴囉成個人即時頹左....

過左兩日,個心本住「只要唔搵佢,佢就會出現架喇」既民間傳說,搏下有冇奇蹟,點知都係冇...........冇既屋企再搵都係冇...冇既公司再搵都係冇,冇既倉點搵都係冇..........

突然靈光一閃,呢種人類經常犯既錯話唔定都有TD師兄中過招,於是即時上TD睇,不過頭幾版都係D原本我已經攞得既貨既分享圖....搜尋功能又唔知打咩關鍵字...冇理由開POST問架嘛.最後退一步去問GOOGLE大神!!!

結果搵到呢個
http://www54.toysdaily.com/discu ... p;page=1#pid7184566

不過呢位師兄比較彩,開完POST第二日就搵返...不過我都照POST入面提供既方法試,就係上去SB問

上到去我同某職員講完我既慘痛經歷之後,佢話要靠人手搵返堆底單出黎.當時正值派緊CA GOLDEN AGE,非常好彩,我唔見單之前幫佢地影左幅遺照(原本係用黎炫耀比FD睇),令我唔見單呢件事可信度高左.等左一陣之後,個職員出返黎話

「我搵過喇,係有你既單,咁要對返你電話同名」
「咁其他唔見既單點算?」
「你記唔記得仲訂過D咩?」
「呀.....................XXXXXXXX囉,應該咁上下」
「OK,咁我會跟返呢個電話幫你搵單,有消息會通知你」

之後隔左兩日

「XX先生,我係SB既YYY呀,基本上大部份單都幫你搵到,唯獨是係XXX搵唔到」
「下?咁點算?」
「唔緊要,只要你記得係用返呢個電話訂,咁到時派貨會SMS比你,你照上黎,對返電話同名都可以攞貨」

同SB報左案,個心都叫定返D直到今日...........




個袋仔突然響我屋企出現!!!!!!!個民間傳說原來係真架!!!!!!!!!

其實我想講既係,SB度一位叫EVA既職員真係好好,態度好,服務好,完全幫到我呢隻迷途小羔羊
希望各位師兄唔好有呢種遭遇
發表於 22-7-2014 00:24:38 | 顯示全部樓層
係咪家人執屋拿開左?
 樓主| 發表於 22-7-2014 00:27:57 | 顯示全部樓層
係咪家人執屋拿開左?
ilove12inch 發表於 22-7-2014 12:24 AM


貌似係無意間跌左落我老豆個袋度,呢排佢攞返黎用先搵得返
發表於 22-7-2014 00:28:13 | 顯示全部樓層
起初覺得你好慘, 睇睇吓又好好笑喎!!! 不過最緊要搵返啲單
發表於 22-7-2014 00:30:15 | 顯示全部樓層
咁賣單既人報失會點
發表於 22-7-2014 00:34:27 | 顯示全部樓層
Ching.....一見你個topic我即刻入黎睇.......
原來你仲引用埋我個post.........haha.......
我果次係放係本schedule個拉鍊袋度.....
所以一唔見本schedule就全部唔見哂.....
個心真係會停止跳動....個感覺我好明白..........
恭喜Ching搵得返!!!
經一事長一智~~雖然我到依家都仲係放係本schedule度...XD
但我每次離開工作既地方都會check好先走
發表於 22-7-2014 00:35:03 | 顯示全部樓層
失而復得,既快樂,又好笑!
發表於 22-7-2014 00:47:36 | 顯示全部樓層
我覺得單要放成年先拎得,其實係唔好跟身,銀包都有機會唔見啦,袋野係會唔知幾時會放左係一個你唔常放既地方,之後搵餐懵。
我覺應該放係一個固定唔會移動既位置,就算派到你最多只係遲一日拎⋯⋯但跟身見左真係煩到自己煩到人
 樓主| 發表於 22-7-2014 00:59:47 | 顯示全部樓層
呢位叫EVA既職員係咪肥肥地?
我今日攞貨時, 問其他貨品問題佢都答得好詳細 .... 讃
...
jackal3890 發表於 22-7-2014 12:54 AM

應該就係佢了。
而家我只袋派貨單,其他放屋企
發表於 22-7-2014 01:02:29 | 顯示全部樓層
睇黎要影底D單save在手機再backup在電腦穩陣...
發表於 22-7-2014 01:05:35 | 顯示全部樓層
其實呢 D 係真係叫鬼um眼,我自己都試過,張 CA 單明明同其他單放埋同一
個 ZIP-LOCK 袋,但摷來摷去都搵唔到,仲要FULL PAID 單,諗住如果到期都搵唔到要上SB 睇下點,差唔多再兩星期,SB 打黎話派雷神,我又開個 ZIP-LOCK 袋搵單,第一張就係之前搵唔到o既 CA,真係自己都唔信,搵o既時候點都搵唔到,唔搵佢,佢就會出返黎。
又聽過電台有人講,去旅行,執好哂行李,明明放左部單反o係行李入面,仲要最後放。落到 LOBBY 想擰出黎臨走影下相,點知打開行李,搵極都搵唔到。叫酒店職員一齊上返房搵,睇下有無漏低,都搵唔返。因為趕時間,所以無再搵就上機,點知返到屋企一打開個o急,部相機就o係面頭。
真係好神奇,唔到你唔信
發表於 22-7-2014 08:00:30 | 顯示全部樓層
U are lucky..................

I have lost all invoices last year................. Nearly 80 toys invoices in a bag but can't be found...............
頭像被屏蔽
發表於 22-7-2014 08:07:31 | 顯示全部樓層
提示: 作者被禁止或刪除 內容自動屏蔽
發表於 22-7-2014 08:16:15 | 顯示全部樓層
Glad you are able to locate all your receipts. Like others said, better to back them up on a computer or mobile devices....
發表於 22-7-2014 09:20:28 | 顯示全部樓層
呢個都算係“12”人偶Post?
超港人 發表於 22-7-2014 08:07 AM


relax下啦, 下下都要攪問,同投訴, 好辛苦架

還有既係,佢唔見果d係 12吋既單, 咁你話呢?
您需要登錄後才可以回帖 登錄 | 註冊

本版積分規則

Archiver|手機版|Toysdaily 玩具日報

GMT+8, 16-12-2019 06:38 PM , Processed in 0.036032 second(s), 21 queries .

Powered by Discuz! X3.2

© 2001-2013 Comsenz Inc.

討論區聲明:本討論區是以即時上載留言的方式運作,Toysdaily玩具日報討論區對所有留言的真實性、完整性及立場等,不負任何法律責任。而一切留言之言論只代表 留言者個人意見,並非本網站之立場,用戶不完全信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故能完全監察所有留言,若讀者發現有留言出現問題,請聯絡我們。Toysdaily玩具日報討論 區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一 切法律權利。

快速回復 返回頂部 返回列表