Toysdaily 玩具日報

 找回密碼
 註冊
樓主: Garycharm

[分享討論] 執著合金

[複製鏈接] |關注本帖
發表於 21-9-2017 09:30:53 | 顯示全部樓層
講情懷講老物合金, 想要多啲合金重手啲, 呢點無人反對過。
我稍為細個少少, 只玩過日版六神, V型電磁俠同金毛獅王, 係好鬼重, 亦唔易爛, 因為當時人地用心出玩具, 變到形合到體之餘, 唔易爛都係開發因數之一。

但都無得否認有好多人合金放係最頭, 其他膠類產品就一文不值, 什至講到話合金嘅開發同開模成本貴好多, 用膠就唔值錢嚟踩其他產品線。

膠類/微少合金成品Post: 無鐵全膠宴, 又貴, 唔買! 但係合金魂加價時就會講到話咩原材料價上升, 通漲問題。原來用膠就咩都唔值, 無原材料同通漲問題。
講呢啲無point純己見都算, 仲要叫人收聲之類。TOYSDAILY都唔俾人傾玩具, 其實又係咩道理? 唔係話呢個POST, 呢個POST暫時大家都理性討論緊。

亦都相反講, 現今各大廠商, 都唔再追求件玩具比較難玩爛, 鋅合金越溝越脆, 各種合金件都斷, 都係呢十幾年發生多。
膠當然都有咁嘅問題, 香港呢種天氣, 唔係廿四小時開住冷氣, 咩質料都老化得快。但都係個句, 係咪用膠做, 無/少合金成份就抵死, 抵俾人插?
講一句己見: 我係鐘意膠類多, 合金上油成日都有起泡裂油問題, 香港天氣真係麻煩。仲有純合金BALL JOINT又係好快無保持力, 我想要件玩具玩耐啲, 唔係好似啲人攞玩具同買樓比, 玩一陣就算。

最後, 其實用膠用合金都好, 成個玩具市場係極速萎縮緊, 新一代小時玩Smart Phone/ Tablet, 大小小就直接玩人。
都講緊一樣越嚟越少人玩嘅野, 又返到去魔術師Garycharm兄, 頭POST最後一句: "點解玩具友之間唔可以互相尊重下?"
 樓主| 發表於 21-9-2017 11:28:18 | 顯示全部樓層
luciferdark 發表於 21-9-2017 09:30 AM
講情懷講老物合金, 想要多啲合金重手啲, 呢點無人反對過。
我稍為細個少少, 只玩過日版六神, V型電磁俠同金 ...

明白!
真的,互相尊重就可以了。
(忽然覺得我呢個 post 越o黎越感人  ^^)

我玩全膠宴也玩得不少,都知道甚至有些玩具還是用塑膠造會更好。


1486624_10152010948314102_305815905_n.jpg
10403362_10153444460069102_8720194784980509434_n.jpg

10544370_10152348748659102_6976768388243722739_n.jpg

13268026_10153803538299102_3167336436764921873_o.jpg

15235363_10154291501634102_8458006330515832659_o.jpg

15289055_10154306324129102_5120053109865300941_o.jpg






點評

希望女帝出合金版 :P  發表於 22-9-2017 01:49 PM
Garycharm兄又出毒圖...  發表於 22-9-2017 10:01 AM
發表於 21-9-2017 19:25:02 | 顯示全部樓層
Garycharm 發表於 19-9-2017 03:01 PM
多謝師兄有心回應。
借題發輝講多少少。

"情意結可以冇原因、可以冇理性...." 講得好!  
我都係合金控, 雖然而家科技進步, 膠料都做得好好, 但總覺得能夠經年月洗禮嘅都係金屬, 所以對於一的我覺得好珍而重之嘅玩具, 我都想將佢變成金屬版本.......
發表於 21-9-2017 23:07:16 | 顯示全部樓層
tysss 發表於 20-9-2017 09:58 PM
自問唔係合金控亦唔執著玩具嘅合金成份, 但理解點解咁多師兄咁強調合金成份, 撇除價錢同廠方強調超合金玩具 ...

你講嗰位只見佢插人笑人一大輪唔識, 而唔見有咩實際分享或建樹.

睇返其他人如玩具TV, 有幾位係從事同生產玩具有關主持, 佢地有時都會講件玩具既好同唔好處, 尤其會講啲一般玩家都唔知既事, 用料好處同唔好處, 易或難生產既方法. 咁樣先可以拎到更多人了解多啲而唔會一味鬧鬧鬧, 亦睇出佢地好有heart真心鐘意玩玩具.

佢地幾位同嗰位只插人笑人一大輪唔識既比, 高下立見.

其實唔止呢度, FB都一樣有唔同group既人單單打打對家. 對於我呢啲只想知多啲資訊既人, 冇興趣知你地既利益恩怨, 我只見到人地係免費提供資訊, 係有付出時間同錢,   當然要有返啲質素, 如果憑咁樣搵到錢有知名度都係抵佢, 自問自己都搵唔到呢啲錢.
覺得人地唔掂有錯, 大可以自己整返檔, 甚至糾正人地既錯.   高質既一定有人支持




發表於 22-9-2017 11:42:52 | 顯示全部樓層
我細細個都有玩合金玩具, 最有印象以前有六神合體同百獸王玩具. 不過有次(20幾年前)搬屋時掉了. 以前經濟能力無咁好, 其實都好少玩玩具 (睇人玩比較多), 但依家大了有經濟能力但又無什麼"情意結"了.

我自己真係好少去"懷念"一件玩具. 可能心態都係記得當時的生活係點多過件玩具. 加上時代同科技都會進步, 我自己又真係唔會停留在"想當年"的階段. 舉個例我細個第一部電腦講緊得4MB RAM, 行DOS, 有得打機已經好開心, 但我又唔會大個了仲keep住買呢種電腦去, 相反我只會買一部最快的. 電話又一樣, 我第一部手機是NOKIA 3210, 但依家比我只會用iphone啦.

不過最簡單一個point其實係互相尊重, 其實玩具是自己的, 自己喜歡便可以了, 唔需要下下得到人認同呀. 等於我喜歡食橙, 佢喜歡食桔, 其實無衝突, 唔需要話對方食橙/食桔有問題嫁喎.

真人video介紹我反而好少睇, 因為我覺得好煩 XD 加上太多"介紹"其實都係廣告(有人sponsor或送玩具比佢地去介紹), 所以我都唔會點睇. 如果真係對一件玩具有興趣都會問下有買的朋友意見好過. 等於睇電影我唔會信d影評, 真係有興趣先至問下自己認識的朋友, 因本身知道佢地喜歡咩style, 佢o既意見更有參考價值.

但講到專唔專業, 我就兩睇啦. 即係好似普通人一個, 純粹分享的出video, 我就覺得專唔專業都無咩所謂.  因為唔通我分享一部新手機的功能又要講埋佢點生產, 什麼是4G, bandwidth 係咩, LCD mon點生產咁深入咩. 而且太過專業反而會令一般人睇唔明, 反而令佢地對產品失去了興趣. 等於當年大學會做final year project, 就算是講新的科技都不是加上大量"專業名詞"就會高分. 相反份paper應該是針對一般普通人, 用佢地睇得明的"文字"去講解, 先可以令佢地明白你講咩, 否則下下要人讀個degree才知道你寫乜就無意思了. 玩具分享post一樣之嘛, 唔通要講埋合金成份, 幾多溫度壓力die casting出來才算"專業"? 我睇波都唔需要知足球係點生產出來啦, 當然如果連off side呢d基本野係咩都唔知就真係搞笑d.
發表於 22-9-2017 12:10:54 | 顯示全部樓層
Lack of mutual respect among each other... people think they can say whatever they want behind a keyboard...
發表於 22-9-2017 15:03:32 | 顯示全部樓層
Nice topic.

尊重⋯其實這話題又何止在玩具討論呢。
 樓主| 發表於 22-9-2017 15:12:01 | 顯示全部樓層
21931535_10155201660839102_518799150_o.jpg

覆 Leawong 兄,女帝方面,我想要矽膠版。

點評

1:1是必須吧 XD  發表於 25-9-2017 01:28 PM
哈哈哈哈哈  發表於 22-9-2017 07:08 PM
發表於 3-10-2017 04:19:56 | 顯示全部樓層
其實,我覺得尊重係相對噶...
鐵玩家令人生厭噶主要原因我覺得主要係在于佢地經常因爲"冇合金""合金比例太小"而去否定一款玩具
根本同玩具自身外形,設計等等各方面因素無關...
更有甚者,同樣題材有差不多大細噶兩款玩具拎去稱重,重啲果隻就系好野.我好想知道呢啲系乜邏輯...重就系好?輕就系屎?你去街市買菜咩...
我中意鐵甲萬能俠,但唔會因爲出個高達就話高達係屎噶嘛...
合金係一種情懷,我作爲一個80後都好明白呢點,但搞得太過龍就令人想嘔
咁鍾意舉重不如去買啞鈴

點評

咁病?師兄有冇 link 睇睇?  發表於 3-10-2017 09:09 AM
發表於 3-10-2017 08:58:52 來自手機 | 顯示全部樓層
本帖最後由 水馬騮 於 3-10-2017 09:01 AM 編輯

支持^^
大家有緣係度相遇,都係玩具愛好者, 個個人都有自己喜好,而評論更加可以幫助同好了解玩具,對於大家選擇去購買係好好既幫助, 我相信有好多group友係同我一樣選擇性咁買,畢竟資金,家庭,土地等等問題而不能全系列制霸。
所以我們更應以禮相待。


我們玩玩具,不是被玩具玩^^
發表於 3-10-2017 09:18:58 | 顯示全部樓層
yiquanken 發表於 19-9-2017 12:28 PM
「反而當屋企(或者隔離屋)有過一隻合金玩具、
實實在在拎過上手,
透過指頭感受 ...

早幾年CM's啲合金
開箱果下
果啲“吱吱”聲
真係感動過動感超人
發表於 8-10-2017 20:21:30 來自手機 | 顯示全部樓層
DSEMI 發表於 3-10-2017 04:19 AM
其實,我覺得尊重係相對噶...
鐵玩家令人生厭噶主要原因我覺得主要係在于佢地經常因爲"冇合金""合金比例太小 ...

其實磅重只係比較下和參考,唔係重的就是好些。
發表於 9-10-2017 11:36:04 | 顯示全部樓層
合金玩具, 對合金執著九成九都係受兒時先入為主所影響,

當時70~80年代, 除左塑膠技術有限之外, 最主要係當時對象係細路仔, 一定要襟玩, 外觀造型大概似就可以了, 甚至乎可以講亳無造型可言, 因為呢個唔係消售重點

依家呢D"高級"玩具消售對象係成年人, 外觀造型變成第一要求, 首版做出來先發佈俾玩家們睇睇, 反應唔好基本上隻野都唔會再有下文

既然外觀造型為最重要, 再加上成本生產制作等問題, 塑膠係優勝D, 我自己覺得例如超時空要塞系列, 主力用塑膠做係比較適合

但"底力"系機械人, 佢地外觀線條比較簡單, 而且主流果D都係6,7十年代嘅卡通, 配合懷舊情懷, 主力用合金做會比較適合

或者有些人係真膚淺, 但老師傅話嘅 "唔好笑人地揀嘅野"

個人喜好嘅野無對與錯, 只有自己鐘意定唔鐘意, 最緊要自己爽就得了
您需要登錄後才可以回帖 登錄 | 註冊

本版積分規則

Archiver|手機版|Toysdaily 玩具日報

GMT+8, 6-12-2019 03:34 AM , Processed in 0.029092 second(s), 18 queries .

Powered by Discuz! X3.2

© 2001-2013 Comsenz Inc.

討論區聲明:本討論區是以即時上載留言的方式運作,Toysdaily玩具日報討論區對所有留言的真實性、完整性及立場等,不負任何法律責任。而一切留言之言論只代表 留言者個人意見,並非本網站之立場,用戶不完全信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故能完全監察所有留言,若讀者發現有留言出現問題,請聯絡我們。Toysdaily玩具日報討論 區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一 切法律權利。

快速回復 返回頂部 返回列表