Toysdaily 玩具日報

 找回密碼
 註冊
樓主: benbenben4213

[分享討論] 警。狗

[複製鏈接] |關注本帖
發表於 25-8-2019 07:37:39 | 顯示全部樓層
鬼武者 發表於 24-8-2019 06:49 PM
咁我會想問點解當權者嘅資產都向外國?妻兒都係外國留學,外國居住,外國國籍?

到底呢個當權者係自己都 ...

全世界當權者都有資產在外國,因為有幾手準備係人之常情,
就算普通市民如果有錢都大把人會咁做,咁有咩咁出奇?
你投資都唔會將所有錢買曬一隻股啦,
用人之常情黎否定一個國家既所有,背後心理係咩自己知。
中國人子女在外國留學,外國人子女在中國留學,呢個係自由既表現,
世界上思想開明既年輕人有人想去外國體驗,有人想來亞洲,根本平常不過。
發表於 25-8-2019 07:40:15 | 顯示全部樓層
Panzer 發表於 24-8-2019 09:36 PM
証實咗隻野係五毛畜牲,唔需要再理佢,admin 又唔ban 佢米由得佢精神病落去,畜牲收咗錢做野啫,冇自由意 ...

呢個帖個個立場唔同,間中言語衝突,但都基本上理性討論,
係 ban 都 ban 左你先啦又話人五毛又用諧音侮辱國家

點評

CHING 辛苦晒, 見到D 歪理, 破壞完為正義又話下一代, 連良知係物都曲解, 大家點講都唔會埋欄 好多好簡單基本道德, 黑白, 你同佢地講, 佢地會以良知或...理   發表於 25-8-2019 02:22 PM
發表於 25-8-2019 08:33:17 | 顯示全部樓層
講多無喂,大家唔岩嘴型,依度7,8成人只係愛港,d愛國,中國美好思想留返俾未來下一,兩代,惑者過多十年香港變到內地咁愛國啦
發表於 25-8-2019 10:40:26 來自手機 | 顯示全部樓層
本帖最後由 鬼武者 於 25-8-2019 10:46 AM 編輯
newnov 發表於 25-8-2019 07:37 AM
全世界當權者都有資產在外國,因為有幾手準備係人之常情,
就算普通市民如果有錢都大把人會咁做,咁有咩 ...


全家人離鄉別井到去外國體驗?留學?定移民?

明眼人一睇就知。

而且我唔鍾意睇過去,前領導人到佢退位時已經過咗人生大半,留向大陸係做太上皇定被脅持冇得走我真係唔會深究。我只會好奇作為一家之主嘅佢,點樣嘅保障佢後代嘅生活,原來就係移居外國,仲要係往日時常聲大聲譴責嘅敵對西方國家。

調返轉睇,點解唔見其他發達國家元首嘅仔女移民嚟大陸?

我有留意ching你成日提「自由」呢隻字,你可知道响大陸呢隻字係敏感詞?
發表於 25-8-2019 13:04:20 | 顯示全部樓層
ZZGverka 發表於 25-8-2019 12:01 AM
有邊次炒大鑊之前嘅立法
唔係成班反對派官員同市民
講埋晒尐似是而非嘅嘢

反對派嘅工作就係反對,誇大其詞係好正常,幾年收成千個又冇建樹,唔反對可以做乜?

今次事件政府做得唔好就一定架喇,但咁係咪就係四處破壞嘅藉口?包括尋日示威者嘅行為,如果咁都話係為下一代爭取,我好懷疑果啲人會唔會有下一代。
發表於 25-8-2019 15:00:52 | 顯示全部樓層
鬼武者 發表於 25-8-2019 10:40 AM
全家人離鄉別井到去外國體驗?留學?定移民?

明眼人一睇就知。

講真我喺大陸生活咗咁耐,又唔覺有乜嘢唔自由。睇戲唔會有人迫你睇愛國片,大把公司俾你買外國嘢,中國菜,日本菜,外國菜多到食唔晒,亦唔會有人迫你為國家服務。至於上FB果啲的確係唔方便,但喺得佢國家生活就要遵守人地規矩,大不了下載個apps一樣上得到。

其實喺一黨專政嘅情況下,討論政治嘅空間本身就唔多,咁有好有唔好啦,多人決定嘅政策唔一定見得好,討論政治嘅人多,真正決定都係上面果班,即使個領袖係你自己一票選出嚟,佢嘅政策亦唔一定適合你,幾多政客上任前後講一套做一套,我諗大家見識唔少。

日本夠先進國,夠文明,夠民主喇啩?大部分人反對加消費稅咪一樣照加,黑金呀,利益輸送一樣存在。法律夠透明喇啩?池袋有個阿伯車死兩母子,但因為佢係名人所以唔起訴佢,成個twitter喺度講政府都話之你。

有時候返到香港見到建制泛民互插,一條動議幾十次都過唔到,立法會上果啲拉隊走人鬧劇,真係寧願求其一個決定咗佢就算喇。

中國由三十年前一窮二白,香港人買電視機回鄉救濟到今日大媽落嚟掃貨,由百份之一百米奇老鼠係老翻到今日有廸士尼樂園,由全部人都係睇翻版碟到一套戲可以收幾十億,由每日八點上班,晚上十一點落班,一個月做足三十日嘅血汗工廠,到今時今日假期重多過香港嘅正常人生活。

我都知共產黨好多嘢好黑暗,但短短幾十年令國家人民生活變好,你唔可以否認佢係成功。

我唔係共產黨員,唔需要吹奏國家有多好,只係有時覺得唏噓,上兩個月去咗上海Wonder Festival,呢啲機會,過往幾乎係一定屬於香港嘅,喺大陸,我睇東映授權嘅正版時王,反而返香港,要睇盜錄騰訊嘅版本。

香港人加油啦,呢個世界係不進則退,政治大局改變唔到,與其內鬥內亂,不如花多啲時間去建設好自己嘅地方。

現階段我覺得香港好多嘢都重係比大陸好,比大陸有優勢,但繼續咁落去,就真係好難講喇。
發表於 25-8-2019 15:37:56 | 顯示全部樓層
shiufon 發表於 25-8-2019 03:00 PM
講真我喺大陸生活咗咁耐,又唔覺有乜嘢唔自由。睇戲唔會有人迫你睇愛國片,大把公司俾你買外國嘢,中國菜 ...

首先你喺大陸生活係邊一地區先
要知道一線城市同二三線城市待遇好唔同
深圳有同香港差唔多既生活水平,消費亦相差無幾
但附近既東莞雖然設施都有,但生活水平完全唔一樣
甚至再遠啲食物未必有水準,你肯定你了解中國?
談論國家甚至有生命危險,交通規則等於無
仲有點解香港人想為自己下一代既自由去抗爭
要比你啲只考慮經濟既人反對
甚至講出政治大局改變唔到呢啲話

依家香港人既言論自由快消失
香港警察亦不再保障香港人
數單黑勢力斬手無寸鐵既香港人
示威者是否抵斬該死?唔值得警察去保護?
自由不是随心所欲
而是不用身不由己

https://www.youtube.com/watch?v=j7PWejxBVAc

點評

其實只顧眼前短淺利益的,回黎都嘥氣... 示威者反抗加強,並唔係一開始就係咁,只係對應警方的濫暴及縱容黑社會等知法犯法罪行...  發表於 25-8-2019 03:47 PM
發表於 25-8-2019 16:14:38 | 顯示全部樓層
本帖最後由 shiufon 於 25-8-2019 04:19 PM 編輯
okmijnuhbyg7 發表於 25-8-2019 03:37 PM
首先你喺大陸生活係邊一地區先
要知道一線城市同二三線城市待遇好唔同
深圳有同香港差唔多既生活水平,消 ...

我生活嘅地方係東莞橫瀝,從羅湖坐火車30分鐘度,上上落落,大慨二十年度啦。

食物方面我唔係專家唔係好識分,叫做好彩冇食出乜嘢大病嚟,認識嘅廠佬工人都好似冇乜有邊個食嘢食死咗。

交通規則國內人嘅品德係比較差,但同以前比係好咗好多,以前兩架車撞花少少等交警嚟,條路要塞半日。

至於「香港人想為自己下一代既自由去抗爭」呢句,除咗之前講嘅政治外,我唔認為包括內地在內嘅中國人缺乏自由。

當然如果你堅持「政治」就係人生唯一嘅「自由」,咁中國的確係冇你所講嘅「自由」。

》》依家香港人既言論自由快消失
完全唔覺,我甚至覺得而家香港人係濫用自由。政府亦太軟弱。

》》香港警察亦不再保障香港人
不保障香港人,就不會出動防暴警察,請不要只把示威人仕才列作香港人,其他不參與或不讚成示威行動的一樣是香港人,他們的自由亦應該得到保障。

》》數單黑勢力斬手無寸鐵既香港人
》》示威者是否抵斬該死?唔值得警察去保護?
斬兩女一男的兇手已經拉咗,至於元朗白衣人是有不對,但你肯定入去挑機,攞消防喉噴人果啲人冇責任?

》》其實只顧眼前短淺利益的,回黎都嘥氣

我唔係只顧眼前短淺利益,而係你地傷害緊香港嘅長遠利益。
發表於 25-8-2019 16:59:21 | 顯示全部樓層
本帖最後由 e夫人 於 25-8-2019 05:02 PM 編輯

263樓 C兄所引薦影片中的世界觀確實是當下大陸的寫照, 至於香港的近況, 以下影片能否使你們有點共嗚呢?



影片來源 " 覺醒配音組 Awakening Dubbing "
發表於 25-8-2019 18:18:56 來自手機 | 顯示全部樓層
本帖最後由 鬼武者 於 25-8-2019 06:31 PM 編輯
shiufon 發表於 25-8-2019 04:14 PM
我生活嘅地方係東莞橫瀝,從羅湖坐火車30分鐘度,上上落落,大慨二十年度啦。

食物方面我唔係專家唔係好 ...


大家小心,呢篇野個視線轉移得好緊要⋯⋯

首先我同意你講大陸係「進步咗好多」,如果用數字具像化,可能由以前得10分進步到宜家60分。

但你所講嘅大陸生活,香港一早已經超過呢個水平,但中共政府想拉埋香港融入大陸。簡單講香港由以前就已經有60分,近年進步到80,而政府就想拉低佢去70分個個位。

好一句「不進則退」!
大陸咁辛苦由「冇自由」變成「有少少自由」。咁點解香港要由「好自由」自奄睇齊大陸既「有少少自由」?

實際搞砸香港既,根本唔係個1,2個所謂暴徒,而係成個政府既施政「倒行逆施」!

而且大陸立國得短短70年,中華民國100幾年、香港開埠120年,英美西方國家超過200-500年歷史。誰有經驗,誰未亡國,歷史,時間顯示得最清楚,點樣管治一個國家,根本唔輪到大陸呢D小學生嚟指導佢前面早過你發展,早過你畢業嘅中學生⋯⋯

另外你所講甚麼向大陸東映受權播拉打。明眼人都知大陸知識產權嘅不公平判決先逼住日廠要同佢地合作⋯⋯好似某b站由抄niconico起家,播冇版權劇集發達,最後大片商吹佢唔漲,禁制唔到,先「合作」「受權」「中日同步」播映⋯⋯香港地,以前如果等唔切大台買片配音,其實可以買香港正版代理嘅影碟。

近年大台/其他TV app都已經有港日同步劇集,明言係「外購劇集」
發表於 25-8-2019 20:40:07 | 顯示全部樓層
鬼武者 發表於 25-8-2019 06:18 PM
大家小心,呢篇野個視線轉移得好緊要⋯⋯

首先我同意你講大陸係「進步咗好多」,如果用數字具像化,可能 ...

你講到大陸係小學生,香港同外國一樣係大學生?嘩········真係唔知點形容你既自大心理,
你知唔會知中國幾大,人口幾多?中國制度比你講到一文不值但都變左全球經濟第二大體系?真係無言。
美國都驚到要用香港做戰場同中國打貿易戰,你都係時間清醒一下,真心以為比個咩普選你一切都會變得完美?
發表於 25-8-2019 21:19:08 | 顯示全部樓層
鬼武者 發表於 25-8-2019 06:18 PM
大家小心,呢篇野個視線轉移得好緊要⋯⋯

首先我同意你講大陸係「進步咗好多」,如果用數字具像化,可能 ...

都係嗰句 扮瞓既人係叫唔醒
不願面對既人係點都唔會面對真實
說到底只係命運「沉睡的奴隸」
發表於 25-8-2019 22:13:47 | 顯示全部樓層
本帖最後由 shiufon 於 26-8-2019 01:42 PM 編輯

與下文重覆,已刪,請版主幫忙處理,謝謝!
發表於 25-8-2019 23:05:39 | 顯示全部樓層
本帖最後由 shiufon 於 26-8-2019 01:46 PM 編輯
鬼武者 發表於 25-8-2019 06:18 PM
大家小心,呢篇野個視線轉移得好緊要⋯⋯

首先我同意你講大陸係「進步咗好多」,如果用數字具像化,可能 ...

好多謝有師兄認真睇小弟寫嘅嘢,難得有人睇晒,我亦不彷回覆。

首先我並唔係為共產黨洗白,亦唔係為賺果寶貴嘅五毫,小弟文筆差劣,狗屁不通,投搞向共產黨宣傳部只怕亦被退稿。

我當然知道香港嘅生活水平一早超過大陸,亦寫到明好多嘢都重係比大陸好,但繼續亂落去停滯不前係可見未來,如果大家已經到達神仙境界,政治可以當飯食,咁就當然冇所謂啦。但我相信香港仍有好多普通人係唔食飯就會死。

講到香港自由,自佔中開始我已經覺得香港好自由,呢兩個月更加唔駛講。

搭地鐵唔俾錢,Ok,為自由民主,細數唔好計。
遊行阻街,所到之處店舖落閘,舖租梗係你諗你,為咗自由民主少少付出都唔肯,圍佢!
破壞公物,剪紅綠燈,鋸燈柱,暴政政權攫奪民民脂民膏得返嚟嘅公物,市民有權收番。
塞機場,唔支持示威者爭取自由民主,即係支持暴政,一個都唔好俾比佢地走!
打警察,黑警人人得以誅之,我打你,掟遮掟磚射激光係為咗自由民主,係正義,你打我就係過份武力。
公審校長,唔啱聽拉隊走人,我細細個時屋企教我尊師重道,見到校長都腳軟,你話俾我遲廿年出世咁幾好。

加上蘋果之流日日鬧政府,日日鬧中央都冇事,如果咁叫冇自由,我諗要隨街見到靚女就可以摸下佢先叫做自由。

》》1,2個所謂暴徒

對唔住,我估我同師兄你應該唔係活喺同一時空,因為我每次見到至少有幾十人,一齊射激光向警署時個畫面重幾靚。

東映係咪被逼賣片我唔知,反正有晒授權明買明賣就係正當生意,唔通東映笑住數錢又要話俾班睇緊翻版嘅人知?

》》香港地,以前如果等唔切大台買片配音,其實可以買香港正版代理嘅影碟

係,你都識講係「以前」,咁而家呢?既然以前可以有正版代理嘅影碟,即係代表版權費嘅門檻唔會太高,至少係香港市場可以吸納嘅,但都冇人做,呢個就係我所講嘅不進則退。

今日張炳良講得幾好,林鄭肯放低身段,正式撤回修例,成立獨立調查委員會係最好結果,希望政府可以咁做。我同示威者無仇無怨,再多一個人被拉,再多一個人受傷都唔想。

發表於 25-8-2019 23:23:47 | 顯示全部樓層
鬼武者 發表於 25-8-2019 06:18 PM
大家小心,呢篇野個視線轉移得好緊要⋯⋯

首先我同意你講大陸係「進步咗好多」,如果用數字具像化,可能 ...


实在看不下去了,“香港開埠120年----”这种历史居然也拿出来沾沾自喜。战败之后不得不割地求和,明明是中国的耻辱。 同样普法战争 割让阿尔萨斯和洛林给德国,成了法国的耻辱,两次世界大战之后都将其夺回。

香港再由你这种是非不分,奴性十足的家伙折腾下去,很快60分都不够了。
您需要登錄後才可以回帖 登錄 | 註冊

本版積分規則

Archiver|手機版|Toysdaily 玩具日報

GMT+8, 23-10-2019 10:52 AM , Processed in 0.089457 second(s), 19 queries .

Powered by Discuz! X3.2

© 2001-2013 Comsenz Inc.

討論區聲明:本討論區是以即時上載留言的方式運作,Toysdaily玩具日報討論區對所有留言的真實性、完整性及立場等,不負任何法律責任。而一切留言之言論只代表 留言者個人意見,並非本網站之立場,用戶不完全信賴內容,並應自行判斷內容之真實性。於有關情形下,用戶應尋求專業意見(如涉及醫療、法律或投資等問題)。由於本討論區受到「即時上載留言」運作方式所規限,故能完全監察所有留言,若讀者發現有留言出現問題,請聯絡我們。Toysdaily玩具日報討論 區有權刪除任何留言及拒絕任何人士上載留言,同時亦有不刪除留言的權利。切勿撰寫粗言穢語、誹謗、渲染色情暴力或人身攻擊的言論,敬請自律。本網站保留一 切法律權利。

快速回復 返回頂部 返回列表