[有獎遊戲]變形金剛︰狂派再起 - 特別版DVD內容介紹及有獎遊戲(5/11已經截止)

Dick.Po

[ 隱藏 ]

暑期玩具迷既熱門話題變形金剛︰狂派再起終於推出 DVD啦，除咗普通版外今次仲會推出變形特別版DVD（Bumblebee edition）!!我們玩具日報TOYSDAILY.COM得到DELTAMAC (HONG KONG) CO., LTD 得利影視股份有限公司 (WWW.DELTAMAC.COM.HK) 贊助，將會送出2套變形金剛︰狂派再起 -變形特別版DVD（Bumblebee edition）比大家。留心以下影碟簡介將會有機會獲獎!!

另外接下來的每個星期，我將會逐一介紹另外兩部玩具迷注目電影大作︰《星空奇遇記》（2009）及《義勇群英之毒蛇風暴》的特別版，連同最新AR Feature，到時再送禮物比大家，希望大家密切留意!！

《變形金剛︰狂派再起》

《變形金剛︰狂派再起》變形特別版DVD（Bumblebee edition）。基本上同上一集的特別版一樣，都係Disc holder，不過主角就由柯柏文變成大黃蜂。未「變形」前，佢係一個外型出眾既dvd盒…。





呢類premium好難講detail位，不過連擋風玻璃都有就算有交代。


但只要一變形佢就能夠由dvd盒變成有型有款既大黃蜂啦!!而變形過程相當簡單，只要打開手腳同車門就可以。

「變形」成功，大黃蜂現身。



Disc holder就o係背面，可放兩雙隻碟。

比較一下佢同柯柏文嘅分別。



再講下隻碟嘅內容。今次派拉蒙都幾重手，Disc2內容非常豐富，極多製作特輯。另一個得意嘅地方係「擴增實境」3D互動遊戲。只要買《變形金剛︰狂派再起》嘅DVD，就可以用盒面，或者係內頁玩遊戲。

首先，上http://www.optimusexperience.com

再用webcam對準盒面或內頁，遊戲就會開始！（第一次開要裝plug-in，請留意）


遊戲1：解開謎題，重組能量方塊！


遊戲2：選擇武裝，同柯柏文一齊對抗狂派！


之後《星空奇遇記》（2009）及《義勇群英之毒蛇風暴》一樣有類似功能，遲下再介紹。


最後到左送獎品嘅時間，只要大家講下你喜愛嘅《變形金剛》角色，講得出色者，就送你《變形金剛︰狂派再起 -變形特別版DVD（Bumblebee edition）》一隻！

參加辦法︰

1) 用200字寫出你喜愛嘅《變形金剛》角色
2) 連同中英文全姓名，聯絡電郵，聯絡地址及聯絡電話
3)電郵到info@toysdaily.com電郵抬頭必須註明"變形金剛︰狂派再起 - 特別版DVD有獎遊戲"每人只可參加一次，重覆參加及未能提供所需資料者(包括提供虛假內容)將會作廢。
4)截止日期11月4日星期三晚上11:59前，名額2位。中獎幸運兒將獲個別通知。各位會員請把握機會立即參加啦!!

特別贊助︰得利影視股份有限公司


p.s.而家買DVD仲可以上www.deltamac.com.hk參加網上遊戲，贏取變形金剛︰狂派再起建造派破壞者組合一套。


此外仲有其他豐富獎品，請即瀏覽www.deltamac.com.hk啦！

條款及細則
．參賽作品不能含有淫褻、暴力、色情、誹謗、裸露或任何具爭議性及不適當之內容。
．所有參賽作品必須為原創作品，並未曾涉及其他商業用途、出版於任何印刷品 (包括電子媒體) 及參與任何攝影比賽。
．主辦機構可將參賽作品作任何宣傳、展覽、印刷用途及對作品進行修改而毋須支付參賽者任何費用。

*玩具日報將保留一切活動中之最終決定權，包括自行更改此活動的條款及細則、獎項及其他安排，而不需另行通知。